Hvað eru Epli & appelsínur?
Epli & appelsínur er nýtt fjárhagskerfi fyrir heimilin frá spara.is þar sem notuð er nýjasta tækni og reynsla af notkun eldri fjárhagskerfa spara.is til þess að gera stýringu á fjármálum heimilisins einfalda og skemmtilega.

Ný hugsun í fjármálum
Epli & appelsínur er ný leið í fjármálum sem byggir á kenningum Ingólfs H. Ingólfssonar um bestu mögulega nýtingu tekna heimilisins, sem hann hefur kynnt á námskeiðunum “Úr mínus í plús” og í bók sinni “Þú átt nóg af peningum – þú þarft bara að finna þá”.

Að velja bæði eplið og appelsínuna
Hvers vegna þetta skrítna nafn, Epli & appelsínur? Aðferðir Ingólfs H. Ingólfssonar við peningastjórnun víkja í mörgu frá hefðbundnum hugmyndum fjármálafræðinnar um að lífið sé eins og jafna og því megi ekki bera saman jafn ólíka hluti og epli og appelsínur því að þá verði útkoman röng. Ingólfur gengur út frá því að manneskjan sé breysk og allt annað en hagsýn þegar kemur að fjármálum; lífið gengur sjaldnast upp eins og ætlað var og að lokum deyr maður. Hvers vegna að bíða með að spara á meðan verið er að greiða skuldir þegar hægt er að gera hvort tveggja á sama tíma? Hvers vegna að bíða með að hafa ánægju af peningunum þangað til kauphækkunin kemur þegar hægt er að njóta þeirra strax? Hvers vegna að taka aðeins eplið þegar hægt er að velja hvort tveggja, eplið og appelsínuna?

Einfalt, fróðlegt og skemmtilegt
Það er óhjákvæmilegt að stýra því hvert peningarnir fara ef ná á árangri í fjármálum. Helsti galli á bókhaldskerfum fyrir heimilin er hversu lítið þau eru notuð, líklega vegna þess að gera lítið annað en að segja það sem flestir vita – að allt sé í steik. Epli & appelsínur upplýsir ekki bara um fjárhagsstöðuna heldur er einnig leiðbeinandi um stýringu fjármuna svo að markmiðin náist og draumarnir geti ræst. Epli & appelsínur eru einfalt, fróðlegt og síðast en ekki síst skemmtilegt stjórntæki fyrir fjármál heimilisins.

Epli & appelsínur er hægt að skoða á nýrri vefsíðu www.spara.is