Krónan hefur fallið um 1.901% frá árinu 1981
Í fjárhagskerfi heimilisins, eplum & appelsínum, hefur verið sett inn tafla sem sýnir þróun gengis íslensku krónunnar gagnvart helstu gjaldmiðlunum eins og evru, bandaríkjadal, japönskum jenum o.fl. myntum. Fyrir utan það að vera nauðsynleg tafla fyrir alla sem eru að reikna út gengislánin þá sýnir hún svart á hvítu að krónan hefur verið í stöðugu falli og var orðin 1.901% verðminni gagnvart bandaríkjadal í byrjun árs 2010 en hún var fyrir 30 árum!

Krónan hrynur og veröldin með
Það er afar athyglisvert að sjá hvernig krónan hefur verið gengisfelld reglulega til ársins 2001 að hún var sett á flot í byrjun einkavæðingar bankanna og útrásarævintýrisins. Það óvænta gerist svo að hún fer að styrkjast á “víkingatímabilinu hinu síðara” og við förum að lifa eins og ættum við allan heiminn þangað til að krónan hrynur í nóvember 2008, og heimurinn okkar með.

Er krónan rétt skráð í dag?
Bandaríkjadalur kostaði 6,24 krónur í ársbyrjun 1981 en 124,85 krónur þann 4. janúar 2010. Ef dregin er miðlína frá árinu 1981 til dagsins í dag er ekki hægt að komast að annarri niðurstöðu en að gegnið sé rétt skráð. Það er afar gagnlegt fyrir þá sem vilja átta sig á umræðunni um íslensku krónuna að virða þessa töflu fyrir sér. Þrátt fyrir að krónan sé að styrkjast eitthvað þessa dagana (aðallega vegna veikingar annarra gjaldmiðla) þá held ég að óhætt sé að fullyrða að krónan eigi varla eftir að styrkjast næstu árin eða ártuginn ef marka má söguna og reyndar einnig ummæli seðlabankastjóra.

Sjáið þetta með eigin augum og gerist áskrifendur að:       
                                               

Kær kveðja,
Ingólfur H. Ingólfsson